Mulkiilihii iyo Tifaftirihii Wargeyska Hubsad Oo Xabsiga La Dhigay

0
21
PropellerAds
Mulkiilihii – Hargeysa, Somaliland, December 1, 2015 (Saxafi) – Xeer ilaaliyaha guud ayaa shalay xabsiga u taxaabay laba weriye, oo kala ah Siciid Khadar Aw Cabdillaahi oo ahaa tifaftirihii Wargeyska Hubsad iyo Mulkiilihii Wargeyska Hubsad Cabdirashiid Nuur Wacays.

Xeer ilaaliyaha guud ayaa la weriyay inuu shalay subax amray xadhiga weriyeyaashan oo ku gudo jira Waajibaadkoodii shaqo.
Labada weriye ee Siciid Khadar Cabdillaahi iyo Cabdirashiid Nuur Wacays ayaa in muddo ah ka dhursugaayey dacwad aan la garanayn meesha ay ka soo baxday iyo cidda dabada ka wada, taas oo lagu wergeliyey inay Maxkamadda u taalo. Ma jiro wax war ah oo si rasmiya uga waramaya xadhiga weriyaashan.
Mulkiilihii iyo Tifaftiriii Wargeyska Hubsad Oo Xabsiga La DhigayHase yeeshee, waxa ay u hoggaan sameen oo ay tixgeliyeen amarrada ka soo baxay xeer ilaalinta iyo laamaha CID-da, waxaanay u sheegeen in dacwad laga keenay Wargeyskooda. Iyagoo dalabkaa fulinaya waxa ay muddo laba Bilood ah sugayeen oo ay ku noq-noqonaayeen maxkamadda, waxana ay garan la’aayeen cidda haysata iyo cida la dacwooneysa, waxa’se shalay u yeedhay xeer ilaaliyaha guud Xasan Jaamac Aadan oo markii danbena la weriyay inuu xabsiga dhigay.
Waxa kaloo, xusid mudan inaanu wargeyskani soo bixin in muddo ah, kaas oo ka dhursugaayey dhawaaqa maxkamadda iyo xeer ilaalinta, oo in muddo ah dacwad ku waday sharciyada wargeyska Hubsad oo aanay si toosa u muuqan cidda dabada ka wadaa.
Si kasabata ha ahaatee waxa arrintani imaneysaa iyadoo maalin uun uu dalka ka maqan yahay Guddoomiyaha Maxkamadda sarre ee dalka Prof Aadan Xaaji Cali oo maalintii dorraad dalka ka dhoofay.

Leave a Reply (Wixii Talo ah noo soo gudbi)

This site uses Akismet to reduce spam. Learn how your comment data is processed.