Prof Cabdisalaan “Waxaynu U Dagaalanay Xoriyad Hay’adaha Amniga Iyo Xeer ilaalintuna Waxay Xalaashadeen Xadhiga Xubnaha Bulshada”

0
22
PropellerAds
Hargeysa, Somaliland, December 3, 2015 (Saxafi) – Prof Cabdisalaan Yaasiin ayaa sheegay inay sharci daro tahay in wariyeyaal la iska xidho, isla markaana aan sifo sharci ah loo soo marin ama amar masuul lagu xidho.

Qoraal uu ka soo saaray xadhiga wariyeyaasha waxa uu ku yidhi: “Waxaa aynu u dagaalanay ee aynu naf iyo maal ba u horay, waxa ugu weyn xoriyadda. Qofna in xoriyaddiisa laga qaado ma aha haddii aanu xeer jebin ama cid ku xad gudbin.
Prof CabdisalaanHay’adaha amniga iyo xeer ilaalintu waxay xalaashadeen in xubnaha bulshada, siiba xubnaha bahda warbaahinta ay iska xidhaan, iyaga oo aan dambi lagu soo oogin oo aan maxkamadi waaran u soo goyn.
Sida Xarunta Xuquuqal Insaanku war murtiyeed ku sheegeen weriyeyaasha hoos ku xusan ayaa layska xidhay, iyada oo aan sifo sharci ah loo marin xadhigood.
 30 Noofambar 2015 waxa Hargeysa lagu xidhay Cabdirashiid Nuur Waxays iyo Saciid Khadar Cabdillaahi oo ka tirsan wargeysaka Hubsad. Welina waa xidhanyihiin.
 29 Noofambar 2015 waxa Ceerigaabo lagu xidhay Barkhad Maxamuud Geedi oo ka tirsan Somalinews. Waxa la sii daayay 30 Noofambar.
 28 Noofambar 2015 waxa Burco lagu xidhay Khadar Cabdirasaaq oo ka tirsan Hadhwanaagnews. Waxa la sii daayay isla maalintaasi
 Sandkan 2015, Xaruunta Xuuquuqal Insaanku waxay diiwaangelisay xadhiga 20 weriye.
 Sandankii 2014, bishii Abriil, waxa la xayiray wargeyska Haatuf; sidii baanu u xayiran yahay.
Hadaba, haddii hayadaha amniga iyo Xeer Ilaalinta Qaranku: xeerka ilaalin, xoriyadda bulshada, wadar iyo waaxid, ilaalin, xuquuqda bulshada ilaalin, yaa ilaalinaya?????
Waxa ilaalinya maxkamadaha dalka.
Hadaba, waxan ka codsanayaa Qaadi Sare Aadan Xaaji Cali, Gudoomiyaha Maxkamadda Sare, in maxkamadaha uu madaxada ka yahay bulshada ka ilaaliyaan xadgudubka iyo xadhiga sharci darada ah ee ay hay’adaha amniga iyo Xeer Ilaalintu kula kacaan gaar ahaan bahda warbaahinta guud ahaan bulshada.
Xayow! Aadnow!!!!!
Xaakinkii Sarow!!!!!
Weriye xor ahi
Xeer haddaanu jebin
Siddee loo xidhaa?
Xaq haddaanu dhicin
Sidee loo xidhaa ?????
Weriyuhu Xayow!!!!!
Xirfadiisu waa
In uu sugo Xoriyad.
In uu sugo Xayaat
Oo xidhan xariir
Xaaladday tahayna
Xoolahoo dhaniyo
Aan Xamaro goyn.
Sidee loo xidhaa?????
Xeer haddaanu jebin
Sidee loo xidhaa?????
Xaq haddanu dhicin
Weriyuhu Xayow!!!!!
Xarfadiisu waa
In uu sugo Xoriyad
In uu sugo Xayaat
In uu sugo xurmiyo
Xawlay nafiyo
Bulsho xaaladeed.
Ee sidee loo xidhaa?????
Xeer haddaanu jebin
Xaq haddaanu dhicin.
Muj. Cabdisalaam Yaasiin Maxamed”

Leave a Reply (Wixii Talo ah noo soo gudbi)

This site uses Akismet to reduce spam. Learn how your comment data is processed.