WorldRemitAds
Hargeysa, Somaliland, December 22, 2015 (Saxafi) – Madaxweynaha Somaliland, Axmed Maxamed Maxamuud (Siillaanyo), ayaa caawa xil u magacaabay Cawil Cali Ducaale, wasiirkii Maaliyadda ee xukuumaddii UDUB ee uu Madaxweynaha ka ahaa Daahir Rayaale Kaahin, kaas oo uu u magacaabay La-taliyaha Madaxweynaha ee arrimaha Ictiraaf-raadinta iyo wada-hadaladii burburay ee u dhexeeyay Somaliland iyo Somalia.

Sidoo kale, Madaxweyne Siillaanyo waxa uu isku-shaandheyn ku sameeyay Badhasaabada gobolada dalka qaarkood, Agaasimeyaal Guud iyo La-taliyeyaal Madaxweyne, kuwaas oo uu qaarkood xilkii ka qaaday, kuwo cusub magacaabay qaarna isku bedel ku sameeyay.
War-saxaafadeed uu goordhawayd soo saaray Afhayeenka Madaxtooyada Xuseen Aadan Cige (Xuseen Deyr), oo xambaarsanaa digreetooyinka uu madaxweynuhu isku-shaandheyntan ku sameeyay, ayaa waxa uu u dhignaa sidan:
WAR-SAXAAFADEED
Madaxweynaha Jamhuuriyada Somaliland, Mudane Axmed Maxamed Siilaanyo waxa uu caawa Digreeto Madaxweyne oo Summadeedu tahay JSL/M/XERM/249-3730/122015 uu Magacaabis, Xilka qaadis iyo Bedel ku sameeyey Masuuliyiin kala duwan oo ay ka mid yihiin Gudoomiyeyaasha Gobolada, Agaasimeyaasha Guud, La-taliyeyaasha Madaxweynaha iyo Xubno kale oo dhawra.
Madaxweynuhu:- 
Markuu Arkay: Qodobka 90aad ee Dastuurka Jamhuuriyadda Somaliland;
Markuu Arkay: Qodobka 110aad ee Dastuurka Jamhuuriyadda Somaliland;
Markuu Tix-geliyey: Ahmiyadda ay Guddoomiyayaasha Gobolladu u leeyihiin
 Qaranka;
Markuu Arkay: In baahi loo qabo buuxinta jagooyinka Guddoomiyeyaasha Gobolka Dalka;
Markuu La Tashaday: Wasiirka Wasaaradda Arrimaha Gudaha;
Markuu Arkay: In ay hanan karaan, aqoon iyo kartina u leeyihiin jagooyinkaas;
Wuxuu Go’aansaday
  1. In Mudane, Maxamed Ibraahin Aadan (Qabo), laga bilaabo taariikhda maanta uu ahaado Guddoomiyaha Gobolka Togdheer ee Jamhuuriyadda Somaliland. (Hore La-taliye Madaxweyne)
  2. In Mudane, Jaamac Yuusuf Axmed, laga bilaabo taariikhda maanta uu ahaado Guddoomiyaha Gobolka Saaxil ee Jamhuuriyadda Somaliland.
  3. In Mudane, Farxaan Xasan Cabdi, laga bilaabo taariikhda maanta uu ahaado Guddoomiyaha Gobolka Sellel ee Jamhuuriyadda Somaliland.
  4. In Mudane, Axmed Maxamed Xaashi, laga bilaabo taariikhda maanta uu ahaado Guddoomiyaha Gobolka Daadmadheedh ee Jamhuuriyadda Somaliland.
  5. In Mudane, Jaamac Ciise X. Shaacuur, laga bilaabo taariikhda maanta uu ahaado Guddoomiye Ku-xigeenka Gobolka Xaysimo ee Jamhuuriyadda Somaliland.
  6. In Mudane, Naaleeye Axmed Sheekh Jaamac, laga bilaabo taariikhda maanta uu ahaado Guddoomiye Ku-xigeenka Gobolka Sanaag ee Jamhuuriyadda Somaliland.
  7. In Mudane, Jaamac Dheeg Cartan, laga bilaabo taariikhda maanta uu ahaado Guddoomiye Ku-xigeenka Gobolka Buuhoodle ee Jamhuuriyadda Somaliland.
MAGACAABIDA AGAASIMEYAASHA GUUD
MADAXWEYNUHU:-
Markuu Arkay: Qodobka 90aad, Faqradiisa 3aad, Xarafka (kh) ee Dastuurka Jamhuuriyadda Somaliland;
Markuu Tixgeliyey: Ahmiyadda ay Agaasimayaasha Guud ee Wasaaraduhu u leeyihiin dhismaha Qaranka;
Markuu Arkay: In baahi loo qabo buuxinta jagooyinka Agaasimeyaasha Guud ee Wasaaradda Qorshaynta Qaranka iyo Horumarinta ee JSL;
Markuu La Tashaday: Madaxda ay khusayso;
Markuu Ku Qancay: In ay hanan karaan, aqoon iyo kartina u leeyahay jagooyinkaas;
 
Wuxuu go’aansaday
 
  1. In Mudane, Saleebaan Siciid Cali, laga bilaabo taariikhda maanta uu ahaado Agaasimaha Guud ee Wasaaradda Diinta iyo Awqaafta ee JSL.
  2. In Mudane, Xasan Cumar Hoori, laga bilaabo taariikhda maanta uu ahaado Agaasimaha Guud ee Wasaaradda Qorshaynta Qaranka iyo Horumarinta ee JSL.
  3. In Mudane, Maxamed Sheekh Cumar Xasan, laga bilaabo taariikhda maanta uu ahaado Agaasimaha Guud ee Komishanka Maamul Wanaagga ee Jamhuuriyadda Somaliland.
  4. In Mudane, Cabdi-naasir X. Daa’uud Warsame, laga bilaabo taariikhda maanta uu ahaado Agaasimaha Guud ee Wasaaradda Dib-u-dejinta ee JSL.
  5. In Mudane, Cabdi-rashiid Axmed Guuleed, laga bilaabo taariikhda maanta uu ahaado Agaasimaha Guud ee Wasaaradda Ganacsiga iyo Maalgashiga Caalamiga ah ee JSL.
  6. In Mudane, Shariif Ibraahim Cumar, laga bilaabo taariikhda maanta uu ahaado Agaasimaha Guud ee Xafiiska Diiwaanka Sekada Jamhuuriyadda Somaliland.
MAGACAABIDA LA-TALIYEYAASHA MADAXWEYNAHA JSL
MADAXWEYNUHU:-
Markuu Arkay: Qodobka 90aad, Faqradiisa (3)aad ee Dastuurka Jamhuuriyadda Somaliland;
Markuu Tixgeliyey: Ahmiyadda ay La-taliyayaasha Madaxweynuhu u leeyihiin Dalka iyo Dhismaha Qaranka;
Markuu Arkay: In baahi loo qabo buuxinta jagooyinkaa;
Markuu Ka Fiirsaday: Kartidooda, aqoontooda iyo hufnaantooda shaqo;
Markuu ku Qancay: In ay hanan karaan xilalkaa;
Wuxuu go’aansaday
  1. In Mudane, Cawil Cali Ducaale, laga bilaabo taariikhda maanta uu ahaado La-taliyaha Madaxweynaha ee Ictiraaf Raadinta iyo Arrimaha Wada-hadallada Jamhuuriyadda Somaliland iyo Soomaaliya.
  2. In Mudane, Cabdillaahi Cabdi Xaaji Cumar (Cabdillaahi Jawaan), laga bilaabo taariikhda maanta uu ahaado La-taliyaha Madaxweynaha ee Arrimaha Doorashooyinka Jamhuuriyadda Somaliland.
  3. In Mudane, Fahmi Cabdi Bidaar, laga bilaabo taariikhda maanta uu ahaado La-taliyaha Madaxweynaha ee Arrimaha Hay’addaha Caalamiga Ah iyo Kuwa Maxaliga Ah.(Bedel Gudoomiyihii hore ee Saaxil)
MAGACAABIDA XUBNAHA GUDDIDA KOMISHANKA MAAMUL WANAAGA
MADAXWEYNUHU:-
Markuu Arkay: Qodobka 90aad, Faqradiisa 3aad, Xarafka (j) ee Dastuurka Jamhuuriyadda Somaliland;
Markuu Tixgeliyey: Ahmiyadda ay Xubnaha Komishanka Maamul-wanaagu u leeyihiin Dhismaha Qaranka;
Markuu Arkay: In baahi loo qabo buuxinta Xubnaha Komishanka Maamul-wanaagga;
Markuu Ka Fiirsaday: Kartidooda, aqoontooda iyo hufnaantooda shaqo;
Markuu Ku Qancay: In ay hanan karaan xilalkan loo magacaabay;
Wuxuu go’aansaday
  1. In Mudane, Mukhtaar Cismaan Cabdi, laga bilaabo taariikhda maanta uu ahaado xubin ka tirsan Komishanka Maamul-wanaagga ee Jamhuuriyadda Somaliland.
  2. In Mudane, Mukhtaar Yaasiin Cali, laga bilaabo taariikhda maanta uu ahaado xubin ka tirsan Komishanka Maamul-wanaagga ee Jamhuuriyadda Somaliland.
  3. In Mudane, Axmed Jaamac Maxamuud, laga bilaabo taariikhda maanta uu ahaado xubin ka tirsan Komishanka Maamul-wanaagga ee Jamhuuriyadda Somaliland.
  4. In Mudane, Carab Nuur Xandulle, laga bilaabo taariikhda maanta uu ahaado xubin ka tirsan Komishanka Maamul-wanaagga ee Jamhuuriyadda Somaliland.
MAGACAABIDA MAAREEYE KU-XIGEENKA TELEFISHANKA QARANKA
  1. In Mudane, Mustafe Maxamuud Qodax, laga bilaabo taariikhda maanta uu ahaado Maareeye Ku-xigeenka Telefishanka Qaranka Madaxa Bannaan ee Jamhuuriyadda Somaliland.
MASUULIYIINTA XILKA LAGA QAADAY.
  1. Mudane, Cali Cawil Cabdi Guddoomiyihii Hore ee Gobolka Daadmadheedh
  2. Mudane,Cabdirisaaq Waaberi Rooble Guddoomiyihii Hore ee Gobolka Sellel
  3. Mudane, Ismaaciil Cabdi Xassan Guddoomiye Ku-xigeenkii Hore ee Gobolka Sanaag.
  4. Mudane, Maxamed Jibriil Yoonis Agaasimihii Guud (Hore) ee Wasaaradda Dib-u-derjinta
  5. Mudane, Xuseen Cabdillaahi Jaamac Guddoomiye Ku-xigeenkii Hore Komishanka Maamul Wanaagga
  6. Mudane, Qaasim Xasan Mataan Maareeye Ku-xigeenkii Hore ee TV-ga Qaranka
Dhammaan waxaan idinka Mahad celinayaa Mudadii aad Xilalka Qaranka soo hayseen. xilalka qaranka ayey dabcigeeda tahay in ay meerto noqoto oo kolba cidii hanan karta loo dhiibo.
Sidaa darteed, waxaan gartay in aan idinka qaado xilalkii aad qaranka u hayseen. Haddaba, waxaan idinka rajaynayaa in aad si niyad sami ah ugu wareejisaan xilkii aad qaranka u hayseen Masuuliyiinta Cusub een u soo igmaday Xilkaasi isaga ah.
Masuuliyiinta ay khusayso arrintanina waxaan farayaa inay sida ugu haboon ugu kala wareejiyaan masuuliyiintaasi Xilalka.
ALLAA MAHAD LEH
Af-hayeenka Madaxweynaha JSL
Xuseen Aadan Cige (Xuseen Deyr)

SomlegalAds

This site uses Akismet to reduce spam. Learn how your comment data is processed.