Djibouti, January 8, 2018 (Saxafi) – Madaxweynaha Jamhuuriyadda Somaliland iyo xubnihii ka midka ahaa weftigiisa ayaa booqday dekedda Dooraale iyo dekedda Djibouti ee Shiinuhu maalgeliyay iyo xarunta free zone-ka oo ah mid ka caagan cashuuraha oo ay maraan xammuulka iskaga gudba dalalka caalamka ee xidhiidhka ganacsi la leh Djibouti.
Kormeerkan madaxweynuhu ku marayey free Zone-ka ayaa waxa uga warbixiyey una sharxay Agaasimaha xarunta free zone-ka Djibouti, Md. Abubakar Cumar Xadi oo madaxweynaha Somaliland u sharaxey shalay sida meeshani u shaqeyso iyo adeegyada ay qabato, iyagoo kulan ku wada qaateen xaruntaas, madxweynaha iyo agaasimuhu.
Markii kulankaasi soo dhamaadayna waxa uu madaxa xaruntaasi madaxweynaha Somaliland, mudane Muuse Biixi Cabdi ku sharfay kuna maamuusay hadyad sharafeed uu gudoonsiiyay madaxweynaha taaso ka turjumaysay booqashada dhiirigalinta ah ee uu ku yimi xaruntooda.
Geesta kale Madaxweyne Muuse Biixi Cabdi iyo waftigiisu waxay booqdeen dekeda ugu weyn Djibouti ee Dooraale, halkaas oo ay indho indheeyeen sida ay u shaqeyso dekedaasi waxaana taafaasiil ka siiyay weftiga Madaxweynaha masuuliyiinta xaruntaas gacanta ku haya.
Madaxweynaha Somaliland oo sii watay socdaalkiisa uu ku gaalaa bixiyay xarumaha muhiimka ah ee caasimada Djibouti iyadoo ay hoggaaminayaan madaxda iyo masuuliyiinta ay khusayso ee dalka Djibouti waxa kale oo uu booqday dekeda cusub ee dalka shiinuhu maalgliyey ee caasimada Djibouti ku taalla, taasoo hawlo muhiim ah u qaban doonta mandaqadan geeska Afrika.
- Why Did the Mogadishu Administration’s Talks with Ethiopia Fail?
- Complexities Of State-Building In Somaliland
- The Political Economy Of Connectivity In The Somali Horn Of Africa
- The Red Sea Crisis Goes Beyond the Houthis
- What If Somaliland Separates From Somalia
- Turkey Moves To Deploy Navy To Somali Waters After New Defense Deal