WorldRemitAds
Hargeysa, Somaliland, December 1, 2015 (Saxafi) – Galinkii hore ee Isniinta shalay ayuu nin Taraafik ah ku jiidhay Badhtamaha Suuqa Hoose ee Hargeysa Gaadhi Vitz ah (Tukhaan).

Askarigan la Jiidhay ayaa uu Madaxa dhaawac ka gaadhay sida warku sheegay waxaana Loola Cararay Cusbitaalka Guud Ee Hargeysa.
Hargeysa - Baabuur Jiidhay Askari Taraafik Ah“Ninka Taraafik-ga ahi wuxuu Jooji is yidhi Gaadhiga yar oo Meel Cidhiidhi ah marayey ka dib wuu joogsan waayey” Ayuu yidhi mid ka mid ah dadkii goobjoog ahaa, waxaana uu intaas ku daray in Askarigu markii baabuurku u joogsan waayay uu dhirbaaxay, taasina keentay inuu ninkii ku soo celiyo oo jiidho baabuurku. Laakiin, arrintan cid toos u cadaysay oo aan ka ahayn dadkii ku sugnaa goobta ma jirto waxaana ku hawlan oo natiijadda falkani sidda uu u dhacay laga sugayaa Ciidamada amaanka oo baadhaya, iyaddoo markii uu falku dhacayba la qabtay.
“Ninkii Taraafik-ga ahaa oo Duulaya ayaa ku dhacay Albaabka Bas meesha taagnaa waxaana kala dilaacay Madaxa markuu dib dhulka ugu soo dhacayna wuu sii jiitay, Bas wayn ayaana ku hor qabtay. Baabuurkii yaraa oo joojiyay” Sidaa waxa warbaahinta u sheegay Goobjooge ku sugnaa Goobta lagu jiidhay Ninka Taraafik-ga ah.
 Goobta shilkani ka dhacay oo aan waxbadan ka fogayn saldhiga Dhexe ee Hargeysa ayaa waxa markiiba soo gaadhay Ciidanka Booliska oo Xabsiga u taxaabay Gaadhigii Yaraa iyo ninkii Watay oo u muuqday Nin Dhalinyaro ah.
 Dhinaca kale Nin kii Taraafik-ga ahaa ayaa markiiba loola soo Cararay Dhinaca Dhakhtarka Wayn iyadoo la dhigay Qolka Qaliinka Deg Deg Dega ah si loo Furdaamiyo Xaaladiisa.

SomlegalAds

This site uses Akismet to reduce spam. Learn how your comment data is processed.