WorldRemitAds

Jeddah, Saudi Arabia, July 28, 2018 (Saxafi) – Khilaaf ka taagnaa daabulka dadka Soomaalida ah ee sannadkan soo gudanaysa waajibaadka Xajka ayaa ugu dambayntii laga gaadhay xal.

Wasiiru-dawlaha Wasaarrada Arrimaha Diinta iyo Aw-qaafta dowladda Soomaaliya ahna ku-simaha Wasiirka Diinta Cabdixakiin Xassan Ashkir ayaa sheeegay isaga oo ku sugan dalka Boqortooyada Saudi Arabia in la bilaabayo soo qaadista xujeyda Soomaalida ah ee guda-naya sanadkan waajibaadka Xajka.

WorldRemitAds

Wasiirka ayaa sheegay in Shan Shirkadood ka shaqeyn doonaan soo qaadista xujeyda Soomaalida, kuwaas oo sida uu hadalka u dhigay hadaba bilaabay howlahoodii shaqo. ‘’Sanadkan wuxuu uga duwan yahay sanadihii hore shirkaddaha ayaa si buuxda u maamuli doona howlaha xajka, halka kaalinta xukumadda-na ay noqon dooto oo kaliya kor joog-teyn oo kaliya” ayuu yidhi Wasiiru-dowlaha Wasaaradda Diinta iyo Aw-qaafta.

Wasiiru-dowlaha ayaa waxba kama jiraan ku tilmaamay wararka sheegaya in dowladda Soomaaliya siyaasadey-neyso arrimaha Xajka, isaga oo intaa ku daray in madaxda ugu sareysa dalka dadaal badan ku bixiyeen sidii ay xujeyda Soomaalida ahi u tagi lahaayeen sanadkan xajka.

‘’Waxaan rabnaa in si hor dhac ah u sheeg-no in hadda wax walba soo dhamaadeen, dhawaanna xujeyda tagi doonaan dalka Sacuudiga, waxaan beeni-neynaa wararka leysla dhax-marayo ee ah in dowladdu siyaasadey-neyso arrimaha Xajka, waxaan cod dheer ugu sheegey-naa xujeyda Soomaaliyeed in ay tagi doonaan sanadkan Xajka’’ ayuu yidhi Cabdi Xakiin Xassan Ashkir.

Hadalka Wasiiru-dowlaha ayaa imanaya xili warar madax-bannaan sheegayaan in uu jiro wali khilaafka dhinaca shirkaddaha ah ee u dhaxeeya dowladda Soomaaliya iyo Sacuudiga, taasoo dib u dhac ku keentay waqtigii looga bartay in xujeyda Soomaalida ahi tagaan dalka Sacuudiga.

Khilaaf ka taagnaa Daabulka

Leave a Reply (Wixii Talo ah noo soo gudbi)

This site uses Akismet to reduce spam. Learn how your comment data is processed.