Wasiirkii Hore Ee Qorsheynta Oo Ka Hadlay Qodobada Somaliland Ka Baran Karto Is Bedelka Ka Socda Ethiopia

0
57
Wasiirkii hore ee Qorsheynta Somaliland Cali Xuseen Ismaaciil (Cali Shoonbe)
PropellerAds

Hargeysa, Somaliland, July 03, 2018 (Saxafi) – Wasiirkii hore ee Qorsheynta  Jamhuuriyadda Somaliland Cali Xuseen Ismaaciil (Cali Shoonbe) ayaa ka hadlay is bedeladda gobolka Geeska Afrika ka socda gaar ahaan dalka Ethiopia iyo saameynta ay ku yeelan karaan Somaliland.

Mudane Cali oo ka sokow Xilka wasiirnimmo Xilal safiirnimo ka soo qabtay dalalka Ethiopia iyo Kenya ayaa waxaa uu hadalkiisa ku bilaabay, “Ethiopia waa dalka inoogu saamayn badan marka laga eego xagga amniga, dhaqaalaha iyo ganacsiga, arrimaha bulshada sidaa darteed waxa muhiim ah in aan aad ugu dhug yeelano ama ula soconno oo aan isha ku hayno is bedelada ka socda gobolka.” Ayuu yidhi, waxaana uu intaas ku daray isaga oo hadalkiisa sii watana uu yidhi. “Raysal-Wasaaraha Itoobiya isla markii la doortay, waxa uu socdaal ku tegay dalalka jaarka ah ee Sudan, Somalia, Djibouti Kenya, Koonfurta Sudan ilaa Masar, ujeeddada uu lahaana waxa ay ahayd in uu sugo danaha dalkiisu ka leeyahay gobolka iyo qaarada guud ahaan.”

Cali Shoonbe waxaa uu sheegay in taas Somaliland wax ka baran karto. Waxaana uu yidhi. “Somaliland waxay ka baran kartaa raysal-wasaare Abiy Axmed kama  uu sugin wasiirka khaarajiga inuu u jaan gooyo Siyaasadda Arrimaha Dibadda ee isagaa la wareegay oo hogaanka qabtay markaa waxa muhiim ah in madaxwaynahu la wareego siyaasada arrimaha debeda si loo xaqiijiyo himilada aan ka leenahay arrimaha debeda. Wasiirkuna waa inuu fuliyaa qorshaha madaxwaynuhu jaan gooyey”

Leave a Reply (Wixii Talo ah noo soo gudbi)

This site uses Akismet to reduce spam. Learn how your comment data is processed.