Dawladda Imaaraadka Carabta Oo Ogolaatay In Dalkeeda Lagu Tago Baasaboorka Somaliland

PropellerAds

Hargeysa, Somaliland, April 07, 2018 (Saxafi) – Dawladda Imaaraadka Carabta ayaa aqoonsatay in dalkeeda lagu soo galo Saddexda Nooc ee uu ka kooban Yahay Baasaaboorka Somaliland, kuwaas oo kala ah baasaabooradda ay qaataan shacabku, Diplomasiyiinta iyo ka shaqaalaha dawladdu isticmaalaan.

Sidaasna waxa shalay cadeeyay Eng. Faysal Cali Waraabe oo sheegay in ay tani u tahay bilawga aqoonsi ay Somaliland ka hesho dunida inteeda kale. “Waxa aan aad iyo aad u hambalyaynayaa madaxda dawlada Imaaraadka carabta oo uu ugu horeeyo Sheikh Khaliifa taalabada geesinimada ah, ee xaqqa ah ee ay qaadeen, taariikhdana waxa ay ka geli doonaan baal dahab ah. Aad iyo aad baan u soo dhaweynayaa In saddexdeenii Passport ee Diplomat, Service iyo Kii shacabkaba ay aqlabaan In lagu galo dalkaasi, waxaanay bilaw u tahay aqoonsiga  Somaliland, waxaanan u rajayaa in ay waddamo badanina ay ku dayan doonaan. Waxaanay caruurteena iyo hablaheenu ka raysan doonaan Baasaaboor ay u doontaan garoowihii lagu bahdilayay, waxaanu insha allaah uu keeni noqon doonaa kuwa aduunka ugu qaalisan” ayuu yidhi faysal Cali waraabe Oo Bulsho U Waramayay.

Ka sokow Guddoomiyaha Xisbiga UCID, ma jiro war rasmi ah oo dawladda Somaliland ama tan Imaaraadka Carabtu ka soo saartay arintan.

Leave a Reply (Wixii Talo ah noo soo gudbi)

This site uses Akismet to reduce spam. Learn how your comment data is processed.