Somaliland Iyo Imaaraadka Carabta Oo Ka Wada Hadlay Mashaariic Lagu Qiyaasay 3 Bilyan Oo Dirham

Somaliland Iyo Imaaraadka Carabta Oo Ka Wada Hadlay Mashaariic
PropellerAds

Abu Dhabi, UAE, September 19, 2017 (Saxafi) – Dawladaha Somaliland iyo Imaaraadka Carabta ayaa ka wada-hadlay Mashaariic horumarineed oo dalka Imaaraadka Carabtu ku maalgelinayo Somaliland.

Xubnihii Gollaha wasiirada ahaa ee Somaliland ku sugnaa dalka Isu-tagga Imaaraadka Carabta ayaa kullan muhiim ahi ku dhexmaray magaalada Abu Dhabi iyaga iyo masuuliyiin sare oo ka tirsan dowladda UAE.

Kullankaasi Weftiga Somaliland ay la qaateen masuuliyiinta ugu sareeya hay’adda Samofalka Imaraadka ee Khalifa Foundation iyo Hay’adda maalgashiga iyo horumarinta ee Abu Dhabi Fund for Development (ADFD), waxa lagaga wadahadlay mashaariicda horumarinta iyo samofalka isugu jirta ee dowladda Imaraadka carabtu ka hirgalin doonto dalka Jamhuuriyada Somaliland labada sanno ee soo socda, kuwaasi oo isugu jira dhinaca horumarinta Biyaha sida Dhaamam, ceelasha iyo kaabayaasha dhaqaalaha sida dariiqa Berbera corridor, madaarka cusub ee Berbera, balaadhinta dekedda Berbera, Dhismaha guryo danyarta loo dhisi doono iyo waliba inay gacan ka geystaan mashaariicda kale ee horumaneed ee dalka ka socda.

Mashaariicda horumarineed oo ku kici doonta lacag ku dhaw 3 Bilyan oo dirham waxa u kale qaybsan tahay maalgalinta dekedda Berbera oo ay ku baxayso $420, mashaariic samofal iyo horumarineed $100, dhismaha waddada Berbera Corridor iyo $25 oo lagu samayn doono Free Zone-ka dekadda Berbra yeelan doonto. Waxaan ku jirin mashaariicdan madaar cusub oo caasimada Gobolka Saaxil Berbera yeelan doonto iyo dhismaha saldhiga milatariga oo ay ku jirto deked cusub oo maraakiibta milatarigu isicmaali doonaan. Waxaana lagu wadaa in mashaariicdaasi dalka Somaliland laga hirgalin doono labada sanno ee soo socda haddii Allah idmo.

Leave a Reply (Wixii Talo ah noo soo gudbi)

This site uses Akismet to reduce spam. Learn how your comment data is processed.